Монголын шатрын холбооны Ерөнхийлөгчийг шинээр сонгох байна. Одоогоор нэр дэвшиж байгаа хүний тоо хоёр бөгөөд нэг нь улс төрчийн “халаасны хүн” нөгөө нь шатрын холбооныхоны дэмжиж байгаа “тогооных нь хүн”.

Шатар бол оюуны спорт. Энэ утгаараа улс төрөөс, улс төрчөөс ангид байлгах учиртай юм. Монголын шатрын холбооны Ерөнхийлөгчид нэр дэвшиж буй Х.Батчулуун бол шатрын спортын дэд мастер, 2021 оноос хойш Хөвсгөл аймгийн шатрын холбооны тэргүүнээр сонгогдон ажиллаж улс, аймаг төдийгүй дэлхийн аварга шатарчинг аймгаасаа төрүүлэн гаргаж чаджээ. Мөн 2022 оноос Монголын шатрын холбооны Дэд ерөнхийлөгч, Тэргүүн дэд ерөнхийлөгчөөр сонгогдож монголын шатрын спортыг тив дэлхийд гаргах зорилго тавин ажиллаж байгаа шатрын спорт, шатрын холбооныхондоо элэгтэй нэгэн юм. 

Тиймдээ ч өнөөдрийг хүртэл шатрыг хөгжүүлэх, дэмжих зорилгоор 900 гаруй сая төгрөгийн хөрөнгө оруулалт хийгээд байгаа аж. Хийсэн ажлуудаас нь дурдахад Хөвсгөл аймгийн шатрын холбооны байр 600 сая төгрөгөөр барьж өгсөн бол ахмад, өсвөр насны ангилалуудын шатрын тэмцээн ивээн тэтгэх, олимпиад санхүүжүүлэх, улсын аваргын тэмцээнүүдэд хүртэл хөрөнгө оруулалт хийж ирсэн байдаг. Шатрын холбооны ерөнхийлөгчид нэр дэвшигч Х.Батчулууны уриа бол “Хэлсэн бол хийнэ” юм.

Харин эрхэм зорилго нь “Монголын шатрын холбоог азид төдийгүй дэлхийд үнэлэгдэхүйц түвшинд хүргэж, дэлхийн шатрын олимпиадад айргийн тавд багтах” юм байна. Цаашлаад 1955 онд байгуулагдсан спортын ууган холбоодын нэг Монголын шатрын холбооны уламжлалыг хадгалах, үндэсний хэмжээнд боловсронгуй болгон хөгжүүлэх, үндэсний спортоор төрөөс хүлээн зөвшөөрүүлэхийг хичээн ажиллахаар зорьж байна. Түүнчлэн 21 аймагтаа хүрч ажиллаж, шатрын спортыг түгээн дэлгэрүүлэхийг эрхэм зорилгоо болгожээ.  Х.Батчулуун хэрэв шатрын холбооны ерөнхийлөгчөөр сонгогдвол шатрын холбооны гадаад дотоод харилцааг шинэ шатанд гаргаж, шатарчдаа бүхий л нөөц боломжоороо дэмжиж ажиллахыг чухалчилж байгаа юм. Ингээд та бүхэнд түүний мөрийн хөтөлбөрийг хүргэе. 

МОНГОЛЫН ШАТРЫН ХОЛБООНЫ ЕРӨНХИЙЛӨГЧИД НЭР ДЭВШИГЧ ХҮРЭЛБААТАРЫН БАТЧУЛУУН ГЭЖ ХЭН БЭ? 

МӨРИЙН ХӨТӨЛБӨР

Танилцуулга:
Ургийн овог:                 Гарам 
Эцэг /эх/-ийн нэр:        Хүрэлбаатар 
Өөрийн нэр:                 Батчулуун
Нас:   36                       Хүйс:         Эр        
Төрсөн огноо:             1989 он  01 сар 09 өдөр
Төрсөн аймаг, хот:       Хөвсгөл аймаг, Мөрөн сум
Үндэс, угсаа:                Халх
Гэр бүлийн байдал:    ам бүл 6
Боловсрол :                 Дээд
Мэргэжил:                   Барилгын инженер, Мэргэшсэн инженер
Төгссөн сургууль:       Хөвсгөл аймгийн 2-р дунд сургууль, 
Шинжлэх Ухаан Техникийн Их Сургууль, 
Америк-Монголын хамтарсан бизнес эдийн засгийн дээд сургууль

Ажлын туршлага:     

2009-2011 “Өсөх мөнх гранд” ХХК, Барилга хариуцсан захирал
2011-… “Баялаг ард” групп, Ерөнхий захирал
2019-… Мөрөн Вилла ХХК, Гүйцэтгэх захирал
Гавьяа, шагнал:     2022   Шатрын спортын дэд мастер
2010    МБХ-ны дээд шагнал “Аврага барилгачин”цол тэмдэг
2012    БХБЯ-ны Хүндэт жуух бичиг
2015    Барилгын салбарын Тэргүүний ажилтан цол тэмдэг
2023    Хөдөлмөрийн хүндэт медаль

Шатрын чиглэлээр:
2021 оноос Хөвсгөл аймгийн шатрын холбооны тэргүүнээр сонгогдон ажиллаж улс, аймаг төдийгүй дэлхийн аварга шатарчинг аймгаасаа төрүүлэн гаргаад байна.
2022 оноос Монголын шатрын холбооны Дэд ерөнхийлөгч, Тэргүүн дэд ерөнхийлөгчөөр сонгогдож монголын шатрын спортыг тив дэлхийд гаргах зорилго тавин ажиллаж байна. 
Шатрыг хөгжүүлэх, дэмжих зорилгоор 900 гаруй сая төгрөгийн хөрөнгө оруулалт хийгээд байна. Үүнд:
2021 МоШХ-ны Дэд ерөнхийлөгч:      ₮20сая
2022-23 “Хөвсгөл цом” тэмцээн:        ₮160сая
2023 МоШХ-ны Тэргүүн дэд ер.:        ₮49сая (3 хүний цалин, 14сар)
2023 Хөвсгал аймгийн ШХ-ны байр:  ₮600сая
2024 Өсвөрийн УАШТ:                         ₮15сая
Ахмадын ази ТАШТ:                            ₮10сая
Олимпиад:                                            ₮5сая
Эвлэл-21:                                             ₮20сая
Рапид, блицийн УАШТ:                       ₮10сая
Ахмадын рапид, блицийн УАШТ:       ₮6сая
ХӨ аймгийн шатарчдын дэмжлэг:     ₮10сая
Нийт:                                                    ₮905сая

УРИА:    “ХЭЛСЭН БОЛ ХИЙНЭ”
    
ЭРХЭМ ЗОРИЛГО:    
Монголын шатрын холбоог азид төдийгүй дэлхийд үнэлэгдэхүйц түвшинд хүргэж, дэлхийн шатрын олимпиадад айргийн тавд багтах.

ҮНДСЭН ЗОРИЛТ:
1955 онд байгуулагдсан спортын ууган холбоодын нэг Монголын шатрын холбооны уламжлалыг хадгалах, үндэсний хэмжээнд боловсронгуй болгон хөгжүүлэх, үндэсний спортоор төрөөс хүлээн зөвшөөрүүлэх.

ЗОРИЛТ 1.    Олон улсын харилцаа
1.1    Гадаад харилцааны ажлыг тогтворжуулж, зөвхөн ФИДЕ Төлөөлөгч (ФТ)-өөс гадна маркетингийн мэргэжилтэн, бусад менежертэй болгоно.
1.2    Олон улсын нээлттэй тэмцээн зохион байгуулна.
1.3    Олимпийн багийг бэлтгэх зорилгоор олон улсын багийн халз тоглолтуудыг зохион байгуулна.

ЗОРИЛТ 2.    Холбооны бүтэц, зохион байгуулалт, дотоод бодлого
2.1    Холбооны өдөр тутмын үйл ажиллагааг тогтворжуулж, холбооны дотоод бүтцийг санхүүжүүлж, цалинжуулна.
2.2    Удирдлагын баг болон төр, засгийн дэмжлэгтэйгээр шатрын спортыг олон нийтэд түгээн дэлгэрүүлж, МУ-ын Ерөнхийлөгчийн зарлиг гаргуулах чиглэлд ажиллана.
2.3    Хувийн хэвшил, байгууллагын шатрыг дэмжин хөгжүүлж, тэдгээрийг оролцоог үлэмж нэмэгдүүлэн хамтран ажиллана.
2.4    Ахмад настны тухай хуулийн хүрээнд ахмадын зөвлөлийн үйл ажиллагааг шинэ шатанд гаргана.
2.5    Шатрын бодлого зохиомж, бодлого бодогч, хөгжлийн бэрхшээлтэй тусгай хэрэгцээт шатрыг тусгайлан анхаарч хамтран хөгжүүлнэ.

ЗОРИЛТ 3.     Тамирчдыг дэмжих бодлого
3.1    Ахмад шатарчид, ахмад үеийнхэндээ зориулсан тусгай төлөвлөгөө гарган ажиллана. Ахмадын баяр, Цагаан сараар хүндэтгэл үзүүлэх үйл ажиллагааг сэргээнэ.
3.2.    Өсвөрийн шатарчдыг хөгжүүлэх, дэмжих чиглэлээр тусгай хөтөлбөртэй болгоно. Мэргэжлийн шатарчин болох зорилготой өсвөрийн шатарчдыг онцгойлон дэмжих зорилгоор багш, дасгалжуулагч, эцэг эхийн 3 талт хамтын ажиллагааг ханган ажиллана.
3.3    Ирээдүйн их мастерууд, олимпийн багийн залгамж халааг байнгын сэлгэх зорилгоор 16 хүртэлх насны олимпиадад тусгайлан ач холбогдол өгч өсвөрийн шатарчдыг тогтмол оролцуулна.
3.4    Мэргэжлийн болон залуу шатарчдыг дэмжих зорилгоор үндэсний шигшээ багт түшиглэн тусгайлан журам гаргаж ажиллана.
3.5    Олимпод амжилт гаргах зорилгоор мэргэжлийн багш, дасгалжуулагчтай хамтарч багийн тэмцээнд суурилсан тусгай сургалтын хөтөлбөр гаргана,

ЗОРИЛТ 4.    Түгээн дэлгэрүүлэх бодлого
4.1    Шатрын спортыг бүх нийтэд түгээн дэлгүүлэх зорилгын хүрээнд Ерөнхийлөгчийн дэргэд маркетингийн алба байгуулан ажиллана.
4.2    “Эвлэл-21” холбоог түшиглэн үйл ажиллагааг шинэ шатанд гаргаж, хөдөө орон нутагт түгээн дэлгэрүүлнэ.
4.3    Холбооны эрх мэдлийг төвлөрсөн бус зарчимд үндэслэн  мэргэжлийн академи, клубүүдийн оролцоог дэмжин холбооны үйл ажиллагаанд хамтран ажиллана.

ЗОРИЛТ 5.    Уралдаан, тэмцээн
5.1    Холбооны уламжлалыг хадгалж, өсвөр, ахмад, насанд хүрэгчдийн тэмцээнүүдийг зохион байгуулахаас гадна залуучуудын УАШТ-ийг сэргээн зохион байгуулна.
5.2    Сонгодог (классик) тоглолтын тэмцээний тоог нэмэгдүүлнэ.
5.3    Багийн УАШТ-ийг зохион байгуулна.
5.4    Холбооны албан ёсны тэмцээнд ФИДЕ-гийн хууран мэхлэлтийн эсрэг дүрмийг хэрэгжүүлнэ.

ЗОРИЛТ 6.    Төсөв, санхүү
6.1    Холбооны ажлын албаны урсгал зардал, цалин хөлсийг бүрэн шийдвэрлэж, тогтвортой ажиллах нөхцөлийг бүрдүүлнэ.
6.2    Холбооны санхүү, хөрөнгө мөнгөний зарцуулалтыг шилэн болгож, ил тод улирал тутам мэдээлнэ.
6.3    Хамтран ажиллах стратегийн түншлэл бүхий дотоодын болон гадаадын компаниудтай харилцан ашигтай, ивээн тэтгэх маркетинг, менежментийн гэрээг байгуулах замаар санхүүжилтийн эх үүсвэрийг бүрдүүлнэ.
6.4    Жилд ₮500сая хүртэлх санхүүжилтийг шийдвэрлэж, жилийн эцэст тайлагнана.
6.5    Холбооны гадаад, дотоод өрийг бүрэн цэгцэлж, цаашид шинээр өр үүсгэхгүйгээр ажиллана.