Тоймч Л.Баатархүү
УИХ-ын чуулганы хуралдаан үргэлжилж байна. Уг хурлаар дөрвөн яамны сайдад нэр дэвшигчдийг батлах асуудлыг хэлэлцэж буй юм. Дөнгөж сая /23:05 цагт/ Барилга хот байгуулалтын сайдад нэр дэвшигч Г.Мөнхбаярыг 56 гишүүний 51 нь зөвшөөрснөөр тус салбарын сайдаар томиллоо. Энэ үеэр УИХ-ын гишүүн, АН-ын бүлгийн дарга С.Эрдэнэ хэд хэдэн хатуу үгийг МАН-ыханд хэллээ. Тэрбээр “Өмнө нь хийсэн ажлыг МАН-ыхан хангалттай харлуулсан. Хангалттай шүүмжилсэн. Одоо ч гэсэн шүүмжилсээр байх уу. Энэ хот ямар байж байгаад ямар болсныг ард түмэн мэдэж буй” гэлээ.
