2015.10.06
сэтгүүлч Т.АНУ
НИТХ-ын тэргүүлэгчид пүрэв гаригт шинэ бүрэлдэхүүнтэй хуралдаж, “Автомашингүй гудамж” төслийг хэрэгжүүлэх тухай, Зарим гудамж байгууламжийг нэршүүлэх тухай, Гэр бүлийн хэрэгцээний зориулалтаар иргэнд өмчлүүлэх газрын байршил хэмжээг тогтоох тухай зэрэг асуудлыг хэлэлцэнэ.
Мөн их дээд сургууль коллеж, мэргэжлийн сургалт үйлдвэрлэлийн сурагч оюутанд нийтийн тээврийн цахим төлбөрийн карт олгох, цэнэглэх, ашиглахад баримтлах журмыг хэлэлцэх юм байна.
НИТХ-ын Тэргүүлэгчдийн бүрэлдэхүүнд НИТХ-ын ээлжит 29-р хуралдаанаар өөрчлөлт оруулсан бөгөөд НИТХ-ын Тэргүүлэгчээр Ц.Алтанцэцэг, Д.Амарбаясгалан, Ц.Баатархүү, Ц.Буяндалай, Н.Баяраа, С.Үнэн, Д.Энхсайхан нар сонгогдон ажиллаж байна.
