УИХ-ын 47-р тойрогт МАН-аас нэр дэвшигч Д.Атармаа сонгуулийн сурталчилгааны зурагт самбараа хууль бус газарт байршуулжээ. Тодруулбал, Орхон аймгийн Баян-Өндөр сумын Шанд багийн нутагт байрлах худгийн хананд өөрийн зураг бүхий хулдаасан самбар байршуулсан байна. Энэ нь Сонгуулийн тухай хуулийн 78 дугаар зүйлд заасан “Сонгуулийн штаб, ухуулах байр байрлаж байгаагаас бусад байшин, барилга, байгууламжид сонгуулийн сурталчилгааны самбар байрлуулахгүй” гэсэн заалтыг зөрчжсөн аж. Д.Атармаагийн хууль бус үйлдлийг шалгуулахаар иргэд Орхон аймгийн цагдаагийн газарт хандсан байна.
