Олон улсын хүүхдийн эрхийг хамгаалах өдөр өнөөдөр тохиож байна. Баярын нэгдсэн арга хэмжээ Чингис хааны нэрэмжит талбайд 09.00 цагаас эхэлнэ. Энэхүү үйл ажиллагаатай холбогдуулан өнөө өглөөний 08:00-18:00 цагийн хооронд дараах замуудыг хаана.
Үүнд:
-Чингисийн талбайн баруун, зүүн тал,
-Амарын гудамж буюу Туушин зочид буудлын урд тал,
-Тагнуулын Ерөнхий газрын урд зам,
-Ус цаг уур орчны шинжилгээний газраас
-Төрийн ордны баруун тал хүртэлх замуудын хөдөлгөөнийг түр хаана.
Мөн энэ өдөр Шархад, Улиастай, Сэлбэ, Жанжин клуб, Баянхошуу, Улаан чулуут, Орбит, Толгойт, Зүүн салаа, Зайсан, Нисэх, Яармаг, Баруунсалаа, Хайлааст, Чингэлтэй, 3,4-р хороолол, 5 шар, Офицеруудын ордон гэсэн чиглэлүүдээс нийтийн тээврийн тусгай чиглэлийн автобусууд Чингисийн талбай хүртэл өглөөний 08:00 цагт үнэгүй явна. Иргэд зорчигчид та бүхэн энэ өдөр Драмын театрын урд талбай, Спортын төв ордны урд талбай, Байгалийн түүхийн музейн урд хэсэг, Хангарди ордны гаднах зогсоол гэх мэт ойролцоох зогсоолуудад машин, тээврийн хэрэгслээ байршуулан замын хөдөлгөөнд оролцоно уу.
Б.Цэцэ
