Сэтгүүлч Н.Баасандэмбэрэл

     Монгол, Хятадын автозамын хилийн боомтууд аравдугаар сарын 31-ний өдөр амрах болсныг Гадаадын иргэн, харьяатын газраас мэдэгдлээ. Энэ өдөр Чингис хааны мэндэлсэн өдөр тохиож буй юм. Монгол Улсын "Нийтээр тэмдэглэх баярын болон тэмдэглэлт өдрүүдийн тухай" хуулийн 4 дүгээр зүйлийн 1.8-д жил бүрийн өвлийн тэргүүн сарын шинийн 1-ний өдрийг Их Эзэн Чингис хааны мэндэлсэн өдөр буюу “Монгол бахархлын өдөр” хэмээн тэмдэглэж байхаар тусгасан. Энэ дагуу тус өдөр БНХАУ-ын талтай дипломат шугамаар харилцан тохиролцож, автозамын боомтуудыг амраахаар болсон байна. Харин орон нутгийн сонгуультай холбогдуулан ирэх лхагва гаригт буюу 2016 оны аравдугаар сарын 19-ний өдөр хилийн боомтууд амрахгүй, цагийн хуваарийн дагуу ажиллана.