"Монголын хөрөнгийн бирж"-ээр дамжуулан "Эрдэнэс Тавантолгой" ХК өнөөдөр 172.8 мянган тонн нүүрс арилжлаа. Тодруулбал, дөрвөн удаагийн арилжаагаар 27 багц буюу нийт 172.8 мянган тонн нүүрс БНХАУ-ын Ганцмод боомт хүргэж өгөх нөхцөлөөр амжилттай арилжсан нь энэ юм байна. 

Үүнд:

1. Эрчим хүчний нүүрс 64.0 мянган тонн хэлцлийн үнэ 33.9 ам.доллар,
2. 1/3 коксжих нүүрс 32.0 мянган тонн хэлцлийн үнэ 72.2 ам.доллар, арилжаанд 6 оролцогч оролцож үнэ 9 ам.доллароор буюу 14.2% өссөн,
3. 1/3 коксжих нүүрс 64.0 мянган тонн хэлцлийн үнэ 71.3 ам.доллар, арилжаанд 5 оролцогч оролцож үнэ 8.1 ам.доллароор буюу 12.8% өссөн,
4. Баяжуулсан 1/3 коксжих нүүрс 12.8 мянган тонн хэлцлийн үнэ 95.2 ам.доллар, арилжаанд 6 оролцогч оролцож үнэ 8.4 ам. доллароор буюу 9.7% өсөж тус тус хэлцэл хийжээ. 

Дашрамд дурьдахад энэ сард тус компани 15 удаагийн цахим арилжааг зохион байгуулж нийт 53.4 сая ам.долларын өртөгтэй 896 мянган тонн нүүрс арилжсан байна.