Сэтгүүлч Н.Уранхолбоо

   Америкийн Нэгдсэн Улсын Вашингтон ДС хотын Шинжлэх ухаан Технологийн Их сургуулийн захирал Хасан Карабуркийн урилгаар Сүхбаатар дүүргийн иргэдийн Төлөөлөгчдийн Хурлын дарга Б.Энхболд болон ИТХ-ын төлөөлөгчид Вашингтоны Шинжлэх Ухаан, Технологийн Их сургуульд томилолтоор ажиллалаа.
 Томилолтын хүрээнд ИТХ-ын дарга Б.Энхболд тус сургуулийн удирдах зөвлөлийн дарга Абубокор Ханип нар академик болон соёлын хамтын ажиллагааны санамж бичигт гарын үсэг зурсан байна.
Ингэснээр төрийн албан хаагч, эмч, багш нар, оюутан, сурагчид богино, дунд, урт хугацааны сургалтад тэтгэлэгтэйгээр суралцах боломжтой болж байгаа юм.
Мөн энэ үеэр ИТХ-ын төлөөлөгчид тус сургуулиас зохион байгуулагдсан төрийн удирдлагын семинарт оролцжээ.