Сэтгүүлч Н.Уранхолбоо
Корона вирус буюу ковид-19-ын халдвар дэлхийн 170 орчим оронд бүртгэгдэж 8880 хүн амь насаа алдаад байна. Харин халдвар авсан хүний тоо 215363-д хүрч 84972 нь эдгэрчээ.
Эрүүл мэндийн яамнаас мэдээлснээр Европын орнууд тэр дундаа Герман, Итали мөн АНУ-д вирусын тархалт эрчимтэй нэмэгдэж байгааг онцлов. Түүнчлэн тус бүсийн орнууд "гадаадын иргэдэд тусламж үзүүлж чадахгүй" гэдгээ уламжилж эхэлжээ. Үүнээс гадна зочид буудалд оруулахгүй, хүнсний бүтээгдэхүүнийг хязгаартай өгөх зэрэг байдал ч үүсэж буй юм байна.
Уг вирусын голомт болох БНХАУ-ын Ухань хотод өчигдөр өвчлөлийн шинэ тохиолдол бүртгэгдээгүйг Хятадын хэвлэлүүд мэдээллээ.
Манай улсын хувьд төр засаг, иргэд хариуцлагатай хандаж байгаа хэдий ч гудамж, талбайд амны хаалт, нус, шүлсээ ил задгай хаях байдал их буйг Эрүүл мэндийн яамнаас анхааруулав.
