Монгол хүн бүрийн мартаж үл болох соёлыг тэр санууллаа


2016-09-26 10:09:31 8

Тоймч Л.Баатархүү

     Монгол хүн бүрийн мартаж үл болох соёлыг өчигдөр нэгэн монгол авьяастан санууллаа. “Авьяаслаг монголчууд” шоуны шүүгчдийг “Та нар монгол хүн шүү дээ” гэж сэрээсэн ч байж магад. Тэр бол Өвөрхангай аймгийн Уянга сумаас эл шоунд хүрэлцэн ирж оролцож буй 0371 хувийн дугаартай Мягмарын Дүгэрсүрэн байлаа. Хөгжим шиг хоолой, нүдээ анин сонсоод баймаар сайхан аялгуу, сайхан монгол хүний төлөв чанар, байгаль хүн хоёрын хослон уянгалах жинхэнэ “органик” дуу хоолойг М.Дүгэрсүрэн гуай “Авьяаслаг монголчууд”-ын тайзан дээрээс монгол хүн бүрт сонсголоо. Дөрвөн шүүгч арай мартаад байна уу гэмээр нэгэн хоосон орон зай гарсан нь нүүдэлчин монголчуудын жинхэнэ язгуур урлагийг харуулсан авьяастан өчигдрийг хүртэл бараг ирээгүй байв. Тэр чадлаа. Утасныхаа дуудлагын аянд тохируулчихаад хүн бүрт дахин дахин сонсгомоор тийм сайхан хосолмол хоолой М.Дүгэрсүрэн гуайгаас уянгалав.

Уртын дууны шинж чанарын тодорхойлолтыг ямар ч багшгүй морин дээр өссөн Уянгын Дүгэрээ ах харууллаа.  “Уртын дуу нь нэн өвөрмөц, гайхам сонин, чухам Монголын урлал юм. Уртын дуу гэгч уудам тэнэгэр сайхан нугалаатай, уянга төгөлдөр олон янзын гоёмсог эгшиг чимэгтэй, хүний сэтгэлийг хөдөлгөн догдлуулам хөгжүүн бадрангуй сайхан аялгуу нь оргилон дээшилж, нарийсан нарийссаар "шуранхайлах", тэгснээ аргилан доошилж бүдүүсэн бүдүүсэхдээ зүйл зүйлийн хачин хөөрхөн нугалаа хугалаа, хоолой амьсгалын цохилт хийж, хүнгэнэн "шигших" зэргээр нэн өргөн цараатай, сонсож ханашгүй эгшиглэнэ” гэснийг тэрбээр харуулж чадав.  


Сэтгэгдлүүд

  • bayraa

    2016-09-27

    neeg ih saihan limb shig hooloi. iim zuil sonsood yamar ch hip hop chini ooriigoo mongol gedgiig sanana bizdee

  • dorjsambuu

    2016-09-27

    gaihaltai jinhene mongol awyas

  • цэцэгжаргал

    2016-09-26

    үнэхээр л уртын дуугаа сонсоод бид бүхэн чинь монголоороо бахархаж омогшдог шүү дээ

  • Zochin

    2016-09-26

    Olond tanigdaagui munch olon Dugereenuud khuduugiin uudamaar baigaadaa! Saikhan Duulgag zaluu bna!

  • uyanngiin hun

    2016-09-26

    Dugeree guaig ingej duuldgiig odoo l harj bna. gaihaltai bsan shu. nutgiin ahaa demjnee

  • zoloo

    2016-09-26

    neeree ene todorhoiloltod ni yag taarsan bna shuu. woooow woooow l gehees iluu yum medeh bish saihaan bsaan

  • уншгч

    2016-09-26

    зөв бичжээ. шүүгчид монгол язгуур урлагийг арай л ад үзээд байсан юм. энэ ах харуулсаан. ёстой гоё байсан шүү

  • zochin

    2016-09-26

    gaihaltai bla. unendee shuugdchiig sereesen.