МАН-ыхан давхар дээлийг утгаар нь өмсөх нь


2017-10-10 11:28:48 5

-МАН доторхи “хоёр нам” сайд нараа 9:6 харьцаагаар тохиров-

Тоймч Л.Баатархүү

    Монголын ууган нам болох МАН-ын байдал сүүлийн үед “ораа бусгаа” байна. Уг нь асуудал байв ч тогоон дотроо шийддэг Монгол ардын намын уламжлалт зан арилжээ. Одоо бүр сүүлдээ АН шиг нам дотроо нам байгуулцгаав уу гэлтэй харагдаж эхэллээ.

     Сүүлийн хэд хоног энэ нам дотор шинэ Засагт залрах гэсэн эрхмүүдийн хор найруулалт, уулзалдаан, турхиралт тун ч ихтэй байгаа бололтой. Өчигдөр шөнө дөл хүртэл хуралдсан МАН-ын хоёр бүлгээс Засгийн газрын бүтцээ байгуулах тохироог талууд хийжээ.

Өөрөөр хэлбэл, өмнөх засгаа огцруулахгүй, огцруулсан гэх үндсэн хоёр хэсэг ууган намд бий болсон. Одоо байгуулах шинэ Засгийн газартаа У.Хүрэлсүхийн талаас ес, Н.Энхболдын талаас зургаан сайд байхаар тохиролцсон гэх мэдээлэл байна.

 

Шинэ бүтэц

Н.Энхболдын тал буюу огцруулахгүй

У.Хүрэлсүхийн тал буюу огцруулсан

1

Монгол Улсын Шадар сайд

Л.Энх-Амгалан

/давхар дээл/

Засгийн газрын хэрэг эрхлэх газрын дарга бөгөөд МУ-ын сайд

Г.Занданшатар

/давхар дээл/

2

Боловсрол соёл, шинжлэх ухаан, спортын сайд

Ц.Цогзолмаа

/давхар дээл/

Гадаад харилцааны сайд

Б.Цогтбаатар

/давхар дээл/

3

Зам тээвэр, хөгжлийн сайд

Ж.Бат-Эрдэнэ

/давхар дээл/

Хууль зүй, дотоод хэргийн сайд

Ц.Нямдорж

/давхар дээл/

4

Байгаль орчин, аялал жуулчлалын сайд

О.Содбилэг

/давхар дээл/

Эрүүл мэндийн сайд

Д.Сарангэрэл

/давхар дээл/

5

Батлан хамгаалахын сайд

Н.Цэрэнбат

/давхар дээл/

Уул уурхай, хүнд үйлдвэрийн сайд

Д.Сумъяабазар

/давхар дээл/

6

Барилга хот байгуулалтын сайд

Х.Баделхан

/давхар дээл/

Хүнс хөдөө аж ахуй, хөнгөн үйлдвэрийн сайд

Б.Батзориг

/давхар дээл/

7

 

 

Сангийн сайд

Ч.Хүрэлбаатар

/давхар дээл/

8

 

 

Эрчим хүчний сайд

Ц.Даваасүрэн

/давхар дээл/

9

 

 

Хөдөлмөр нийгмийн хамгааллын сайд

С.Чинзориг

/давхар дээл/

         

     У.Хүрэлсүх ямартаа ч өмнөх засгийн бүтцийг өөрчлөхгүй гэсэн. Нам доторхи уг тохироо нь баталгаатай бол МАН-аас шинэ сайд нарын нэрсийг өнөө, маргаашийн дотор Ерөнхийлөгчид өргөн барих нь. Үүнээс Ерөнхийлөгчийн тал гэмээр шинэ үзүүр цухуйж буй нь Д.Дагвадоржийн ах УИХ-ийн Д.Сумъябазар Уул уурхай, хүнд үйлдвэрийн сайдад нэр дэвшихээр болжээ. Түүнийг намаас нь биш бүр Ерөнхийлөгч Х.Баттулгаас нэрийг нь дэвшүүлэх санал гаргасан гэх мэдээлэл хэвлэлээр гарч эхэллээ. Нөгөөтэйгүүр Хүнс, хөдөө аж ахуй, хөнгөн үйлдвэрийг ч авах талаар тохирсон талаархи мэдээлэл байна. Уул уурхай, хөдөө аж ахуйг Ерөнхийлөгчийн талд байлгах нь ямар эрх ашиг явж байна вэ гэдэг асуулт ургаж буй юм. Мэдээж энэ хоёр яам Х.Баттулгын тавьсан саналаар батлагдвал Сайншандын аж үйлдвэрийн цогцолбор хөдлөх боломж бүрдэнэ гэсэн үг. Өмнө нь одоогийн Ерөнхийлөгч сайд, УИХ-ын гишүүн байхдаа явуулж чадаагүй учраас энэ удаад хүний намаар хөл хийж даагаа нөхөх гэж байхыг үгүйсгэхгүй.

Д.Дагвадорж Х.Баттулгын баруун гарын хүн учраас Д.Сумъяабазар хэдийгээр МАН-ийн гишүүн ч гэлээ Ерөнхийлөгчийн “ойрын” сайд болно гэсэн үг.

       Үүнээс гадна өмнөх 2012-2016 оны парламентын үед МАН-ынхан Ардчилсан намаа давхар дээл өмслөө гэж баахан “дөвчигнөсөн”. Үүгээрээ ч олон нийтээс боломжийн оноо авсан. Харамсалтай нь тэд тэр үед нүүрэндээ шир зүүсэн байжээ. Одоо байгуулах шинэ Засгийн газрын бүтэц жинхэнэ “давхар дээл”-тэй нөхдүүдээр бүрдэх нь. “Эр хүн хэлсэндээ, эмээлт морь харайсандаа” гэх монгол ардын зүйр үг бий. Ард түмэн та бүхэнд итгээд үнэмлэхүйгээр ялуулсан. Гэтэл МАН-ыхан одоо ямар үйлдэл хийж буйгаа өмнөө толь барьж байгаад нэг сайн харахыг сонгогчид нь шаардах, сануулах цаг болжээ.

Хоёр намыг ойролцоо суудал авахуулаад дэмий юм байна гэдгийг ухаарсан Монголын сонгогчид өнгөрсөн УИХ-ын сонгуулиар МАН-д итгэл хүлээлгэсэн нь тэр. Хачирхалтай нь итгэл дээр нь ус, элсийг зэрэг асгаж хоёрхон жилийн дотор засгаа унагаж, дотроо муудалцаж, төрийн албыг хэдэн сая, тэрбумаар нь наймаалцсан гээд “үнэхээр” муухай харагдаж байна, танай нам. 


Сэтгэгдлүүд

  • Төрмөнх сэтгүүлч

    2017-10-10

    Тэр Сумъяабазар гэж нөхөр юу хийсэн гэж сайд болдог юм ай. Уул уурхай бол МУ-ын Үндсэн чиг үүргийн яам. Гол юман дээрээ учир утга мааруухан ойлгох тийм хүмүүсийг тавьчихаар энэ төр одоо яана аа ай. ард түмэн доромжлуулж гүйцлээ шдэ

  • Zochin

    2017-10-10

    Ингэж сонгож итгэл xүлээлгэсэн ард түмнийг тоxуурxаж болоxгүйшдээ давxар дээлгүй чадвартай аавын xүүxэд зөндөө байxад

  • зочин

    2017-10-10

    Өмнөх засагт бсан Цогцэцэг, Ганбат, Ганхүү эд нар тун боломжийн ажилласан. үндсэн чиг үүргийн яамдуудад мэргэжлийн хүнийг заавал тавих хэрэгт.эй

  • tolio

    2017-10-10

    EE. muu lalruud. ta nariin songoson nam haana bna. toroo ch oligtoi udirdaj chadahgui. huvaaj ideh yumandaa hurehgui bj ingeed zasgaa unagaj bhgui yu

  • уншигч

    2017-10-10

    энэ жаажийсан дуракууд одоо болиосон. монголын ард түмнээр тоглож ханаагүй юу. бид МАНАН-ийн тоглоом биш шүү