Сэтгүүлч Л.Баатархүү
Ерөнхий боловсролын сургуулийн сурагчдын амралт наашилж "зургаадугаар сарын 1"-д амрахаар болсон талаар олон нийтийн сүлжээнд мэдээлэл тархаад буй юм. Энэ талаар Боловсрол, Шинжлэх ухааны яамны Хэвлэлийн албанаас үгүйсгэлээ. Энэ сарын 24-өөс "Гүйцэтгэлийн үнэлгээ"-г орон даяар явуулж буй юм байна. Үүнийг шалгалт гэж ойлгон сурагчдын амралт наашилсан гэж ташаа ойлголт төрсөн байх магадлалтайг салбарын яамнаас онцоллоо.
Боловсрол, шинжлэх ухааны сайдын А/38 дугаар тушаалаар Ерөнхий боловсролын сургуулийн 2021-2022 оны хичээлийн жилийн II, III дугаар улирал буюу хоёрдугаар хагас жилийн эхлэх, дуусах хугацааг тогтоосон байдаг.
- Бага анги буюу 1-3 дугаар ангийн сурагчдын амралт 06 дугаар сарын 06-ны өдрөөс
- 4-5 дугаар ангийн сурагчдын амралт 06 дугаар сарын 13-ны өдрөөс
- 6-12 дугаар ангийн сурагчдын амралт 06 дугаар сарын 20-ны өдрөөс эхэлнэ.
Нийт сэтгэгдэл 0