Б.Энх-Эрдэнэ

    Монгол Улсын Үндсэн хуулийн 30 жилийн ойн өдөр өнөөдөр тохиож байна. Жил бүр уламжлал болгон энэхүү түүхт өдөрт зориулж үндэсний бөхийн барилдаан зохион байгуулдаг. Монгол бөхийн өргөөнд 11:00 цагаас тус ойд зориулж улс, аймгийн алдар цолтой хүчит 256 бөхийн барилдаан болох юм байна. 

Барилдаанд Улсын даян аварга Н.Батсуурь, Улсын гарьд Ө.Бат-Орших, Ж.Бат-Эрдэнэ, М.Бадарч, Б.Пүрэвсайхан, Улсын заан Б.Соронзонболд, М.Өсөх-Ирээдүй тэргүүтэй хүчит бөхчүүд зодоглохоор бүртгүүлжээ. 

Дашрамд дурьдахад уг барилдааныг 1992 оноос хойш уламжлал болгон зохион явуулдаг болсон аж. Анхны барилдаанд Улсын заан С.Хүрэлбаатар түрүүлж, Дархан аварга Х.Баянмөнх үзүүрлэж байв.