Сэтгүүлч Б.Энх-Эрдэнэ

  Алтайн урианхайн нэрт туульч Жилкерийн удмын ес дахь үе А.Балдандоржид өнөөдөр Ерөнхийлөгчийн зарлигаар Монгол Улсын Соёлын гавъяат зүтгэлтэн цол хүртээлээ. Түүний хувьд ааваасаа тууль хайлах өвийг уламжлан авч яваа юм. Туульч А.Балдандоржид хүндэтгэл үзүүлэхээр Шинжлэх ухааны академийн Хэл зохиолын хүрээлэн, Соёлын өвийн үндэсний төв, тууль судлаач, найз нөхөд, гэр бүл нь Улаанбаатар хотын төв талбайд цугларчээ. 

Дашрамд дурьдахад түүний аав Баатарын Авирмэд туульчдаас анх удаа Төрийн шагнал хүртсэн хүн. Ийнхүү аав хүү хоёр туульчдаас Төрийн соёрхолт, СГЗ хэмээх эрхэм хүндэт шагналыг хүртэж Монгол өв тээгчдийн түүхэнд тодоос тод тэмдэглэгдэн үлдэхээр боллоо.