богино мэдээ New

"МАН" хууль бус үйлдэл гаргалаа"

Төрийн албаны зөвлөлийн хоёр гишүүнийг ээлжийн амралттай байх хугацаанд нь албан тушаалаас чөлөөлөх асуудлыг УИХ- д оруулж ирлээ..

Сэтгүүлч Б.Бат

УИХ дахь АН-ын бүлгээс УИХ-ын дарга М.Энхболдод дараахь мэдэгдлийг хүргүүллээ.

Төрийн албаны зөвлөлийн гишүүнийг чөлөөлөх, томилох асуудал нь хууль зөрчиж байгаа бөгөөд МАН-ын бүлэг хүч түрэмгийлэн асуудлыг шийдэж байгаа”-г анхааруулсан байна. Мөн  “2016 оны долоодугаар сарын 30-ны Бямба гарагийн шөнийн 02:00 цагт Төрийн албаны зөвлөлийн орон тооны гишүүдийн бүрэх эрхийн дуусгавар болсон гэсэн хууль бус, үндэслэлгүй асуудлыг УИХ-ын чуулганаар хэлэлцэхээр төлөвлөж Төрийн албаны зөвлөлийн орон тооны гишүүдийг чөлөөлөх оролдлогыг Монгол Ардын намын зүгээс хийсэн.

Энэ хууль бус асуудлаар АН-ын бүлэг завсарлага аваад байгаа билээ. УИХ-аас Төрийн албаны Зөвлөлийн нэр бүхий орон тооны гишүүдийг зургаан жилийн хугацаагаар томилдог. Чөлөөлөгдөх гэж байгаа хоёр гишүүний бүрэн эрхийн хугацаа нь  2018 оны 12 дугаар сарын 20-ны өдөр, 2019 оны 1 дүгээр сарын 18-ны өдөр дуусгавар болох учиртай.

Гэтэл Зөвлөлийн орон тооны гишүүн нь гэмт хэрэг үйлдсэнийг шүүх тогтоосон, эсхүл хууль ноцтой зөрчсөн бол түүнийг уг албан тушаалаас нь эгүүлэн татах тухай асуудлыг Зөвлөлийн саналыг үндэслэн УИХ шийдвэрлэнэ гэсэн хуулийг зөрчиж Төрийн албаны зөвлөлийн орон тооны гишүүдийг ээлжийн амралттай байгаа үед нь халж солих гэсэн нь нийт төрийн албан хаагчдын хууль ёсны эрхийг үл хүндэтгэсэн эрээ цээргүй үйлдэл гэж үзэж байна.

Тиймээс хууль дээдлэх төрийн үйл ажиллагааны үндсэн зарчмыг хангаж, асуудлыг хүч түрэн шийдэхгүй байхыг МАН-ын бүлэг болон УИХ-ын даргад хатуу анхааруулж уг үйлдлээ таслан зогсоохыг шаардаж байна” гэлээ.

Тус мэдэгдэлд:

АН-ын бүлгийн  дарга С.Эрдэнэ эрх баригчдын  хууль зөрчих  үйлдэл хэрээс хэтэрч байгааг дуулгаад, тухайлбал, Сүхбаатар аймгийн засаг даргын томилгоог хууль бусаар хийж, Зам-Үүд дээр төрийн албаны байранд хүчээр нэвтрэн орж, тамга тэмдэгийг авсан зэрэг үйлдлүүд эрээ цээрээ алдаж байгаа. Ийм үйлдэл цаашдаа олон газар гарах шинжтэй байна. АН-аас онцгой комисс байгуулж, төрийн хууль бус үйл ажиллагаануудыг баримтжуулж авч байгаа. Уг асуудлаар удахгүй мэдээлэл хийнэ” гэдгээ хэлэв.

Тэгвэл  АН-ын бүлгийн дэд дарга Б.Пүрэвдорж ”Төрийн албаны зөвлөлийн хоёр гишүүнийг ээлжийн амралттай байх хугацаанд нь  албан тушаалаас чөлөөлөх асуудлыг УИХ- д оруулж ирлээ. Төрийн албаны нэр бүхий хоёр гишүүн ажлаас чөлөөлөгдөх өргөдлөө өгөөгүй байгаа. МАН-ын энэ үйлдэл төрийн албаны тухай хууль болон бусад хуулиудаа ноцтой зөрчиж байна.