ОХУ-ын Батлан хамгаалахын сайд Монголд айлчилна


2018-10-15 11:38:46 1

Сэтгүүлч Б.Энх-Эрдэнэ

  ОХУ-ын Батлан хамгаалахын сайд, Армын генерал Сергей Шойгу энэ долоон хоногт буюу ирэх пүрэв гаригаас Монголд албан ёсны айлчлал хийхээр болжээ. Манай улсын Батлан хамгаалахын сайд асан Б.Бат-Эрдэнэ өмнө нь тус улсад айлчлал хийх үеэр С.Шойгуг “Тааламжтай цагтаа Монгол Улсад айлчлах урилга” гардуулсан байдаг. Тэрбээр Монголд айлчлах тухайгаа өнгөрсөн дөрөвдүгээр сард Олон улсын аюулгүй байдлын Москвагийн бага хурлын үеэр Батлан хамгаалахын сайд Н.Энхболдод уламжилсан байна.

Олон улсын хэвлэлүүд болон шинжээчид түүний энэхүү айлчлалыг анхааралтай ажиглаж байгааг онцолж эхэлжээ. С.Шойгугийн хувьд Монгол Улсын батлан хамгаалахад туслах, орчин үеийн байлдааны зэвсэглэлээр буцалтгүй тусламж үзүүлэх талаараа илэрхийлсэн байдаг. 

Сергей Шойгугийн хувьд монгол цус, ястай Тува урианхай хүн. Түүний бүтэн нэр нь Сергей Күжүгет оглу Шойгу юм байна. Тэрбээр 1955 оны тавдугаар сарын 21-д Тува улсын Чадан гэх жижиг хотод төрсөн аж. Өнгөрсөн 2012 оноос хойш ОХУ-ын Батлан хамгаалахын сайдаар ажиллаж буй тус улсын Баатар, Армийн генерал.

Нөгөөтэйгүүр С.Шойгугийн хувьд Ельциний Цагаан ордныг төрийн эргэлт гарсан өдөр нэр төртэй хамгаалж байсан ОХУ-ын төрийн өндөр албан тушаалд 1991 оноос тасралтгүй ажиллаж буй гэдэг.


Сэтгэгдлүүд

  • simon

    2018-11-04

    холбоо барих: EMail: